之前一直都好想睇Eason演唱會，終於等到了，係十三號同佢齊齊去睇，好正，呢個演唱會一反傳統，好似歌舞劇一樣，無以前o既握手環節，真係一個完全o既演”唱”會，好特別，而且仲有我鍾意既歌，如十面埋伏，單車，大開眼界，夕陽無限好等．．．好開心呀！

今日情人節一開完會，就即刻去左佢屋企整Lunch俾佢食，之前諗左好耐整咩好呢，因為佢話唔想Lunch食咁飽，想留番個肚食情人節晚餐wo，於是就整左粟米旦花湯，蟹柳火腿絲炒烏冬，同埋甜品，hehe…唔知佢覺得係咪好sweet呢…hehe

之後我o地出發去街喇，好surprise，佢送左一大束粉紅玫瑰俾我，係我o既至愛，仲係收花以來，最大束o既一次，有１８支玫瑰＆５支百合，成２３支花，拎到我第二日手都軟埋，好開心，唔知點解女仔係咪天生鍾意收花o既感覺呢，感覺好sweet 好Romantic，之後我地去左尖咀行海旁，到o既時候撞正激光表演，我o地仲一齊影"即影即有相"，影得唔錯，我好鍾意呀，一於放係銀包到啦．．YEAH!

情人節快樂！