每一個人都應該要有自己o既人生目標，自己o既理想。如果人無左自己所追尋o既Dream，就好似失去左生存o既意義，無左自己o既靈魂一樣，只有一個空o既軀體生存住，好想“你”快d搵到自己o既生存目標同意義，真的想“你”知道身邊有好多人都係好關心“你”，同錫“你”，起碼有我先啦，只係睇“你”願唔願意去接受別人唔同形式o既關心。何不嘗試用另一角度去睇睇呢個世界，接受一下人o地o既關心，希望你唔好當作一種囉唆，當“你”嘗試代入佢地o既角色時，做佢地o既時候，“你”或者會明白佢地o既角色有幾難做。

願神帶領同一直看守著我o地，我知我o地好多時都會有軟弱o既時候，但我知道只有神你俾力量我o地同埋支持我o地！

「希望」總在你身邊，睇你點去掌握，加油呀，我支持你

係剛過左o既星期五，好開心帶埋兩個細佬一齊番團契o既聚會，仲有斯韻一齊，我o地去左旺角一間樓上coffee shop度聚會，環境算不錯，間鋪頭有兩parts分左外面同裏面，我地係外面聚會，因為空氣好ｄ，我o地玩得好開心，玩左層層疊，UNO啦，全晚氣氛好好，特別係嘉欣帶俾我o地好多歡樂，笑足全晚！

其實我一直都好想細佬快d信主，希望細佬以後能continue去join我o地團契活動，將細佬信主的事交托俾神，願主帶領！

之前一直都好想睇Eason演唱會，終於等到了，係十三號同佢齊齊去睇，好正，呢個演唱會一反傳統，好似歌舞劇一樣，無以前o既握手環節，真係一個完全o既演”唱”會，好特別，而且仲有我鍾意既歌，如十面埋伏，單車，大開眼界，夕陽無限好等．．．好開心呀！

今日情人節一開完會，就即刻去左佢屋企整Lunch俾佢食，之前諗左好耐整咩好呢，因為佢話唔想Lunch食咁飽，想留番個肚食情人節晚餐wo，於是就整左粟米旦花湯，蟹柳火腿絲炒烏冬，同埋甜品，hehe…唔知佢覺得係咪好sweet呢…hehe

之後我o地出發去街喇，好surprise，佢送左一大束粉紅玫瑰俾我，係我o既至愛，仲係收花以來，最大束o既一次，有１８支玫瑰＆５支百合，成２３支花，拎到我第二日手都軟埋，好開心，唔知點解女仔係咪天生鍾意收花o既感覺呢，感覺好sweet 好Romantic，之後我地去左尖咀行海旁，到o既時候撞正激光表演，我o地仲一齊影"即影即有相"，影得唔錯，我好鍾意呀，一於放係銀包到啦．．YEAH!

情人節快樂！

今日知道一位朋友最近發生左一d唔開心既事，希望佢會振作ｄ，好快可以recover到，同埋忘記ｄ唔開心既事，我知道佢一定可以做到，加油呀，我支持你，不過我知道你都好左好多，平靜左好多。

其實，知道時都好surprise，有時有ｄ野，可以有好多變數，環境變，人和事也變，時間根本唔代表d咩，有時ｄ野唔到你控制，只要自己曾經盡力過，無悔就已經足夠了。